Welcome to Swad ki Duniya
Introduction:
Garmiyon ke mosam mein jab sabzi yon ka selection limited hota hai, tab ek spicy aur royal taste wali dish har kisi ko pasand aati hai — aur wahi hai kathal ki sabzi. Is sabzi ka swad itna rich hota hai ki ise “vegetarian mutton” bhi kaha jata hai. Aaj hum seekhenge kathal ki sabzi recipe jo simple ingredients se ghar par asaani se banayi ja sakti hai.
Read more 👉 Summer Dinner Recipe
Kathal ki Sabzi Recipe ke Ingredients:
Kathal (Jackfruit) – 500 gm (peeled aur cubed)
- Pyaaz – 2 medium (bareek kata hua)
- Tamatar – 2 (bareek kate hue)
- Adrak-Lahsun paste – 1 tbsp
- Haldi powder – 1/2 tsp
- Lal mirch powder – 1 tsp
- Dhaniya powder – 1 tbsp
- Garam masala – 1/2 tsp
- Jeera – 1/2 tsp
- Tej patta – 1
- Namak – swad anusar
- Hara dhaniya – garnish ke liye
- Tel – sabzi aur fry ke liye
Step-by-Step Kathal Ki Sabzi Recipe
Step 1: Kathal ki safai aur cutting
Kathal ko oil laga kar kaatna chahiye taki chip-chipahat na ho. Chhote tukdon mein kaat kar pani mein daal dein taki kala na ho.
Step 2: Kathal ko ubalna ya fry karna
Ek pan mein pani garam karke usme haldi aur namak daalein. Kathal ke tukdon ko 10-15 minute tak boil karein. Chahein to halki gas par fry bhi kar sakte hain better texture ke liye.
Step 3: Masala tyaar karna
Ek kadahi mein thoda tel garam karein. Jeera aur tej patta daalein. Phir kata hua pyaaz daalein aur golden brown hone tak bhunein. Uske baad adrak-lahsun paste daalkar 2-3 minute tak bhunein.
Step 4: Tamatar aur dry masale
Tamatar daal kar achhe se mash hone tak pakayein. Ab haldi, lal mirch, dhaniya powder aur namak daalkar masale ko bhunein jab tak oil alag na hone lage.
Step 5: Kathal mix karein
Boiled ya fried kathal ke tukde masale mein daalein. Sab kuch achhe se mila kar 1 cup pani daalein. Dhakkan lagakar 15-20 minute slow flame par pakayein.
Step 6: Final touch
Gas band karne se pehle garam masala daalein. Hara dhaniya sprinkle karke garnish karein. Aapki kathal ki sabzi tayyar hai.
Kathal ki Sabzi Kise Serve Karein?
Ye sabzi best lagti hai garam phulke, tandoori roti ya paratha ke saath. Agar kuch special banana ho to jeera rice ke saath bhi serve kiya ja sakta hai.
Kathal ki Sabzi Banate Waqt Tips:
1. Hamesha fresh kathal ka use karein, canned se taste utna fresh nahi aata.
2. Chip-chipahat se bachne ke liye chhuri aur haath par tel laga lein.
3. Healthy version ke liye kathal ko fry na karein, sirf ubalen
Video watch
FAQs:
Q1. Kya kathal ko bina fry kiye sabzi mein daal sakte hain?
Haan, agar aap healthy version banana chahte hain to sirf boil kar ke daal sakte hain.
Q2. Kathal ki sabzi kis ke saath best lagti hai?
Yeh sabzi roti, paratha aur jeera rice ke saath best jaati hai.
Q3. Kya is recipe ko cooker mein bana sakte hain?
Haan, cooker mein 2 seeti lagakar aap time save kar sakte hain.
Q4. Kathal ki sabzi Recipe kitne dino tak fridge mein tikti hai?
3 din tak aap ise fridge mein rakh sakte hain, bas dubara serve karne se pehle achhe se garam karein.
Q5. Kya isme paneer add kar sakte hain?
Nahi, kathal ka texture strong hota hai, isme paneer ki zarurat nahi hoti.
(Conclusion)
Kathal ki sabzi Recipe ek traditional, flavorful aur satisfying option hai jo vegetarian logon ke liye mutton se kam nahi. Garmiyon ke mosam mein ye recipe ek perfect dinner option hai. Is recipe ko ek baar try zarur karein, aur apne family ke sath iska maza lein.